O Club Waterpolo Pontevedra pechou a primeira fase de competición na Primeira Nacional Feminina cunha dura derrota, ao chegar no último segundo do partido.
Sucedeu na súa visita ao Colexio Brains madrileño (13-12).
Foi a pesar de todo un choque moi igualado, no que as pontevedresas chegaron a dominar 3-5 no segundo período e no que se mantiveron con opcións até o final a pesar da remonta dos locais.
De feito, tras colocar o Colexio Brains o 12-8 no marcador que parecía definitivo, o Waterpolo Pontevedra encadeou un parcial de 0-4 para igualar e chegar ao último minuto con todo sen decidir.
Foi aí cando chegou o gol decisivo.
Outro encontro máis que se escapa por pequenos detalles, e que fai que as pontevedresas finalicen a primeira fase do campionato na última posición do seu grupo con 12 puntos, pero nunha dura pugna que seguirá agora no tramo decisivo do campionato.
Esta fase, na que se xogará a súa permenancia en categoría nacional, arrincará o sábado 1 de marzo.
Os seus rivais serán CN Ciudad de Alcorcón, AE Santa Eulalia, CN Montjuic e CD Waterpolo Málaga.