Despedida con honras para Marín Peixe Galego, que tivo contra as cordas ao campión RetaBet Gipuzkoa Basket, ao que dominou no primeiro tempo, para ceder despois como consecuencia dun terceiro cuarto no que encaixou un parcial de 13-28 que permitiu aos visitantes levar o partido.
Os de Javi Llorente deron a cara en todo momento, tentando ofrecer aos seus unha vitoria na súa despedida da LEB Ouro levados da man dun excelente Jason Cain (19 puntos e 28 de valoración).
Marín adiantábase de inicio, aínda que os guipuscoanos seguíronlles de preto durante os primeiros minutos, conseguindo 8 puntos de renda grazas ao seu acerto no tiro exterior, para dominar os primeiros 10 minutos cun meritorio 29-22.
Mantendo un extraordinario rendemento en ataque, os de Javier Llorente incrementaban a súa renda a 8 para irse ao descanso mandando (56-48).
Pero á volta de vestiarios o campión fíxoo mellor, chegando a igualar a 67 a falta de dous minutos para o final do período. Os galegos anotaban pero Pino respondía cun triplo para poñer ao seu equipo por diante. Gipuzkoa pechaba a billa dos marinenses, para afrontar os últimos 10 minutos con vantaxe (69-76).
Aínda non sería definitivo, xa que Marín non baixou os brazos, conseguindo empatar, pero Pino anotaba un triplo e as canastras de Pardina e Carlson permitiron aos visitantes levar unha vitoria que tiveron que loitar ata o final (90-98).
Consulta aquí as estatísticas do Marín Peixe Galego-Gipuzkoa Basket.