Chegan as grandes citas da tempada internacional de ciclocrós, e alí estará coa maior ilusión Lorena Patiño na súa primeira tempada como sub-23.
Despois do seu título nacional nesta categoría, a ciclista marinense será parte da Selección Española que se desprace aos Países Baixos para un dobre reto.
Alí estará tamén o alacantino Raúl Mira, sub-23 do Grupo Deportivo Supermercados Froiz.
En concreto Patiño e Mira competirán o domingo 25 de xaneiro na Copa do Mundo de Hoogerheide.
Será o último test antes do Mundial que se disputará tamén en terras neerlandesas, en Hulst, do 30 de xaneiro ao 1 de febreiro.
Os júniors Benjamín Noval, Martín Fernández, Raúl López, Aitana Gutiérrez, Carla Bañuls e Mirari Gotxi completan a Selección Española que competirá en Hoogerheide.
Engade Pontevedra Viva como fonte preferida de Google de balde
Mantente informado coas últimas noticias de actualidade.