Balonmán de nivel no Pavillón Municipal dos Deportes de Pontevedra coa estrea do Torneo Internacional Helenes.
Organizado pola Sociedad Deportiva Teucro como colofón ao seu 80 aniversario, contaba con invitados de luxo como o decano do balonmán nacional, o BM Granollers, e o SL Benfica portugués.
Antes do duelo entre os dous equipos de nivel europeo, o propio Teucro protagonizou o seu primeiro amigable de pretempada medíndose a unha Selección Galega formada por xogadores de Primeira Nacional.
O resultado do partido foi 23-26 para o combinado autonómico, nunha boa pedra de toque para un proxecto teucrista que aspira a pelexar esta tempada polos postos de honra da categoría.
Despois chegaría o duelo entre Granollers e o Benfica, con triunfo portugués por 27 a 36.