O Pontevedra Club de Fútbol xa ten rival para a primeira rolda da Copa do Rei 25-26.
Os granates non se desprazarán moito, e é que o bombo deparou un duelo ante un equipo galego da Segunda RFEF como a Unión Deportiva Ourense.
Será unha eliminatoria de reencontros, e é que o equipo pontevedrés enfrontarase a varios dos seus ex xogadores como Rufo, Manu Vizoso, Jaichenco ou Pol Bueso.
Unha UD Ourense que tras o seu ascenso a Segunda RFEF está a custarlle coller o ritmo á categoría, xa que até a data en liga empataron dous partidos e perderon tres.
Debido ao criterio de proximidade xeográfica implantado esta tempada, o número de posibles rivais para a estrea copeira era reducida.
De feito o Pontevedra só podía cruzarse con equipos de Segunda RFEF da terna que compuñan Numancia, Real Ávila, UP Langreo, SD Logroñés, UD Logroñés, UD Ourense, UD Sámano, Atlético Astorga e Náxara.
A bóla dos da Boa Vila foi de feito a última en saír dos equipos de Primeira RFEF.
Esta primeira eliminatoria será a domicilio para os granates, e a partido único.
Para disputala o calendario ten reservada para a mesma os días 28, 29 e 30 de outubro.