Importante cita para o Club Baloncesto Arxil este sábado no Pazo Provincial dos Deportes de Lugo (20:45 horas) ante o líder do Grupo A da Liga Feminina 2, o Ensino.
As pontevedresas afrontan a cita sen presión pero coa ilusión de manterse a un paso do liderado ou mesmo o asaltar, se o Bizkaia non logra vencer en Vilagarcía ante o Cortegada.
Mayte Méndez poderá contar con todas as súas xogadoras para un partido que se espera igualado como o da primeira volta, no que as lucenses venceron 56-61 tras ir a remolque durante todo o encontro.
Ademais ambos os dous conxuntos viron as caras esta tempada nas semifinais da Copa Galicia, con triunfo do Ensino por 79 a 67.