O Club Tenis de Mesa Monte Porreiro afrontou unha intensa dobre xornada en só tres días, con partidos moi disputados fronte a Hortitec Alzira TT e Burgos.
O venres, os pontevedreses desprazáronse a Valencia, onde empataron a tres, e o domingo recibiron o conxunto burgalés, ao que gañaron 4-2 no Príncipe Felipe
O primeiro duelo puxo en escena a André Coelho, que perdeu 3-1 ante Nico Burgos. Pouco despois, Nico Galvano empatou para os visitantes nun axustado partido decidido no quinto xogo por 9-11 fronte a José Carlos Guillot, mentres que Federico Vallino volvía pór por diante ao conxunto valenciano tras gañar a Miguel Ángel Vilchez en cinco mangas.
Coelho empatou de novo tras vencer a Guillot, e Vilchez volteó o marcador para dar vantaxe a Pontevedra tras vencer a Burgos. Finalmente, o equipo valenciano pechou a serie cun triunfo en tres mangas de Vallino contra Galvano.
Na xornada do domingo, o equipo pontevedrés impúxose por 4-2 ao UBU Burgos tras unha remontada que lles permitiu superar un 0-2 inicial.
Miguel Ángel Vilchez e Martín Bentancor sufriron as súas primeiras derrotas fronte a Simón Belik e Nicholas Lum, pero lograron unha reacción final con dúas vitorias de Coelho, unha de Vilchez e outra de Bentancor que selaron o triunfo local.
A próxima xornada, o Tenis de Mesa Monte Porreiro viaxará a Lleida para enfrontarse ao Borges Vall.
Será o 31 de outubro ás 18:00 horas.