deportes

O equipo infantil feminino do CD La Peña loitará polo título nacional en Cuenca

Marín
09 de xuño 2025
Diego Espiño

A Real Federación Española de Fútbol fixo oficial as sedes das fases finais dos campionatos de España. Nunha delas, na categoría sub-14 feminina, estará o CD La Peña

Equipo infantil feminino do CD La Peña que xogará a fase final do Campionato de España
Equipo infantil feminino do CD La Peña que xogará a fase final do Campionato de España / CD La Peña

O Club Deportivo La Peña xa sabe o camiño que lle espera ao seu equipo infantil feminino na ilusionante fase final do Campionato de España que ten por diante.

O conxunto marinense viaxará até a localidade de San Clemente, en Cuenca, tras lograr meterse entre o catro mellores equipos do país.

Foi nunha fase previa xogada na casa e que a que venceu con contundencia os seus rivais, CD Canteira (Navarra), EMD La Solana (Estremadura) e UD Isleñas (Illas Baleares).

Fíxoo de feito cun espectacular balance de 33 goles a favor e só 1 en contra.

Agora, o conxunto adestrado por Javi Pumar e Lorena Núñez prepárase para a final a catro do torneo nacional.

Tras o sorteo de competición, enfrontarase ao AD Alcorcón FSF madrileño na primeira semifinal, fixada para este próximo sábado 14 de xuño ás 10.00 horas da mañá.

De lograr vencer este encontro, xogaría a gran final nacional contra o vencedor do duelo entre o anfitrión, o AFS San Clemente e o FS Ripollet.

O encontro polo título xogarase o domingo 15 ás 11.00 horas.

Máis novidades