Melania Rodríguez e Marta López, do Ximnasia Pontevedra, xunto a Loreto Tuñón, do club Gimnasia Acrobática de Valladolid, lograron o primeiro metal para a delegación española no Campionato do Mundo de Trampolín.
O bronce obtido na categoría feminina da proba de DMT fixo vibrar ao Navarra Area, as tres ximnastas subiron ao pódium só por detrás de Estados Unidos (ouro) e Gran Bretaña (prata).
Unha destacada actuación nunha xornada onde se puñan en xogo os primeiros metais da cita que se está celebrando por primeira vez en España.
Este sábado Melania Rodríguez disputa a final individual de dobre mini-tramp á que chega coa terceira mellor marca de todas as clasificadas.