Case 50 anos dedicados á arbitraxe foron os que converteron a Manuel Magdaleno Solla en todo un referente do mundo arbitral futbolístico.
Primeiro como árbitro (debutou con tan só 17 anos de idade), logo, tras colgar o chifre, como directivo, chegando a ser delegado da Delegación de Pontevedra do Colexio Galego de Árbitros de fútbol, e máis tarde colaborando como informador arbitral.
Manolo Magdaleno faleceu este venres, aos 76 anos de idade, deixando unha fonda pegada entre os que lle coñeceron.
Como árbitro (case 20 anos en activo) chegou a dirixir partidos en Terceira división durante 4 tempadas e como delegado nada menos que 19 anos, nos que, entre outros logros, conseguiu que o colectivo pontevedrés dispuxese dunha sede propia.
A capela ardente está instalada na Sala 4 do Tanatorio Pontevedra, desde onde sairá este sábado, ás 18:30 horas, cara á Igrexa Parroquial de San Pedro de Tenorio, onde ás 19:00 horas oficiarase o funeral polo seu eterno descanso.
🖤Hoxe recibimos a triste noticia do falecemento de 𝐌𝐚𝐧𝐮𝐞𝐥 𝐌𝐚𝐠𝐝𝐚𝐥𝐞𝐧𝐨 𝐒𝐨𝐥𝐥𝐚, quen fora delegado do Comité de Árbitros en Pontevedra. Unha persoa que amaba ou fútbol e a arbitraxe.
— RFGF (
Enviamos un forte abrazo á súa familia e amigos
Gardarase un minuto de silencio… pic.twitter.com/jV6UsbrELefutgal) April 25, 2025