Gran triunfo para o pontevedrés Fernando Echávarri ao alzarse coa medalla de ouro no final da Copa do Mundo de vela celebrada en Santander.
O regatista pontevedrés e a súa compañeira no Nacra 17, a canaria Tara Pacheco, confirmaron este sábado na Medal Race a fortaleza que mostraron durante toda a competición, que dominaron desde o inicio.
Valíalles simplemente cun noveno posto na regata definitiva para alzarse co ouro, pero foron segundos tras remontar e terminar mesmo por diante dos seus principais rivais, os británicos Gimson e Burnet.
Echávarri e Pacheco comezaron con gran nivel o novo ciclo olímpico, xa que é o seu terceiro gran tiunfo da tempada tras o ouro no Trofeo Princesa Sofía e na Copa do Mundo de Hyères.