O Club Baloncesto Arxil viaxa esta fin de semana a terras madrileñas, concretamente a Pozuelo de Alarcón, co obxectivo de estrear o seu marcador de vitorias na nova tempada da Liga Feminina 2, tras a súa derrota no debut ante un dos máximos favoritos ao ascenso como é o Celta Zorka.
O conxunto pontevedrés poderá contar esta vez cun das fichaxes chamadas a ser determinantes no equipo, a estadounidense Heather Forster, ausente no primeiro encontro por problemas burocráticos.
A pívot, xa co tránsfer na man, será vez ser da partida na que será a súa estrea como profesional tras completar a súa formación na liga universitaria norteamericana (NCAA), concretamente na Universidade de Albany.
A que non estará dispoñible para Mayte Méndez será a canteirá Aldara Vázquez, que se recupera dunha lesión producida nun accidente de tráfico.
A segunda xornada de competición para o Arxil disputarase este sábado (20:00 horas) na cancha do Pozuelo UFV, que no seu primeiro encontro foi derrotado polo ADBA en Avilés.