O Pontevedra Club de Fútbol xa coñece o horario da xornada 17 de liga en Primeira RFEF, unha data na que debe visitar o Barakaldo no estadio de Lasesarre.
Un duelo que disputará en horario de domingo á tarde por segunda semana consecutiva
En concreto, este partido xogarase, segundo confirmou a Real Federación Española de Fútbol, o domingo 21 de decembro ás 16.00 horas, xusto antes do parón do Nadal.
Incluíuse ademais na canle lineal de restransmisión das principais palataformas audiovisuais que ofrecen a Primeira RFEF.
📺 𝗛𝗢𝗥𝗔𝗥𝗜𝗢𝗦 𝗬 𝗧𝗘𝗟𝗘𝗩𝗜𝗦𝗜𝗢𝗡𝗘𝗦 | 𝗝𝗢𝗥𝗡𝗔𝗗𝗔 𝟭𝟳 #PrimeraFederación | #VersusELearning pic.twitter.com/L9rKU6fZu8
— Primera Federación Versus e-Learning (@Primera_RFEF) November 25, 2025
Os granates deixan así atrás de maneira definitiva as once xornadas consecutivas que non competiron na tarde de domingo, chegando a ser o equipo do Grupo I con máis encontros fixados a golpe de sábado.
Antes de chegar ao duelo en Barakaldo, o Pontevedra este sábado 29 de novembro contra o Guadalajara en Pasarón (18.30 horas), o sábado 6 de decembro visitará o Celta Fortuna (16.15 horas) nun escenario aínda por confirmar e o domingo 14 (18.15 horas) recibirán en casa o Arenas de Getxo.