Máis aló da fichaxe de Rubén López, o Pontevedra Club de Fútbol confirmou outro movemento nas horas finais do mercado de fichaxes.
Trátase da saída dun dos futbolistas habituais do filial en Preferente pero que viña traballando desde principio de tempada en dinámica do primeiro equipo, sendo habitual nos adestramentos ás ordes de Rubén Domínguez e tamén en convocatorias.
Iker Méndez Escudero xogará até final de campaña en calidade de cedido na SD Sarriana, equipo galego que milita na Segunda RFEF.
O extremo vigués aterrou este curso na Boa Vila procedente do Choco, participando até a data en 16 partidos do Pontevedra B (4 goles) e sendo citado até en oito ocasiones co plantel de Primeira RFEF, aínda que sen chegar a debutar de maneira oficial máis aló dos compromisos disputados na pretempada.
En Sarria, Iker terá a oportunidade de reivindicarse nun equipo que no seu primeiro ano na cuarta categoría nacional marcha no undécimo posto con catro puntos de vantaxe sobre a zona de descenso.