O Centro Galego de Tecnificación Deportiva acolleu este venres a apertura oficial dun novo curso académico e deportivo.
A Secretaria Xeral para o Deporte, Marta Míguez, presidiu o acto de apertura acompañado do director do centro, Suso López, e ante a presenza de pais e alumnos.
Durante o curso 2017/2018 terán bolsa no CGTD ata 162 deportistas de diferentes disciplinas, sendo máis de 200 os atletas relacionados ao centro de tecnificación e ao Centro Galego de Vela.
Marta Míguez sinalou que desde a Xunta se prima "unha formación integral na que os estudos académicos van parellos á formación deportiva.Só así ten sentido un centro deste tipo, deporte e educación deben moverse como un binomio perfecto".
A máxima responsable do deporte galego lembrou ademais na súa intervención aos 21 deportistas olímpicos que saíron do CGTD de Pontevedra, todo un espello para os actuais estudantes do centro, o futuro do deporte galego.