Irene García renova un ano máis co Poio Pescamar e disputará a que será a súa sétima tempada coa escuadra conserveira.
A valisoletana de 24 anos xogou a última tempada os 39 partidos nos que foi convocada (só se perdeu o primeiro de Copa Galicia), sendo titular en 7 deles.
Desde o equipo destacan a súa coraxe, "clave na remontada do equipo na segunda volta da campaña, contaxiándoo ás súas compañeiras" ademais do seu aspecto goleador a pesar de desempeñarse como peche.
Este último curso achegou ao equipo un total de 10 goles, nove en liga e un en Copa Galicia, e catro asistencias.