O Club Cisne segue avanzando con paso firme na composición do plantel coa que debutará a próxima tempada na Liga Asobal de balonmán, na que a aposta será a continuidade.
Así aínda que se empezan a vincular ao club pontevedrés nomes de posibles fichaxes como o do seu ex-xogador Carlos Pombo ou o do ex-teucrista Gonzalo Carró, a prioridade pasa polo momento polas renovacións.
Neste apartado Iván Calvo converteuse este martes no sexto home que confirma a súa continuidade no equipo.
O pivote, peza importante sobre todo a nivel defensivo nos plans de Jabato, afrontará así a súa segunda campaña no Cisne, ao que chegou o pasado verán procedente do Lavadores.
"Estou moi contento", recoñeceu tras a súa renovación antes de sinalar que "espero vervos a todos e a todas no Municipal animándonos que esta temporada máis que nunca necesitamos o voso apoio".
RENOVACIÓN | Y seguimos con las buenas noticias y las renovaciones, Iván Calvo también seguirá con nosotros una temporada más ¡Grande Iván! #SomosCisne #SomosAsobal #renovación pic.twitter.com/etpOJgdSUL
— Club Cisne Balonmano (@ClubCisneBalonm) June 2, 2020
Iván Calvo únese a unha lista de confirmados no Cisne de Asobal na que xa figuraban Álvaro Preciado, Pablo Gayoso, Dani López, Jose Leiras e o gardameta Jorge Villamarín.