A Gala do Deporte de Marín, recuperada tras varios anos de ausencia, xa ten gañadores.
O xurado analizou as candidaturas presentadas e seleccionado os vencedores nas diferentes categorías, coas que se recoñece os méritos alcanzados ao longo do ano 2025 por parte de deportistas, clubs, persoas e entidades do deporte local.
O concelleiro de Deportes, Antonio Traba, quixo destacar a "boa resposta por parte da cidadanía e dos clubs á hora de presentar candidatos e candidatas", adiantando que a Gala do Deporte celebrarase tras a apertura do novo auditorio, nunha data final que será confirmada proximamente.
No que respecta aos principais galardóns, de mellores deportistas tanto masculino como feminina, o taekwondo é o protagonista, xa que os premiados son Iván García (campión de España e tamén de Europa por equipo e 9º do ranking mundial) e Arlet Ortiz (campioa nacional, bronce europea por equipos e quinta no Mundial), ambos os dous pertencentes ao Club Mat's.
Este é a listaxe completa de premiados na Gala do Deporte de Marín 2026:
Mellor deportista masculino: Iván García Martínez (Club Mat's Taekwondo)
Mellor deportista feminina: Arlet Ortiz (Club Mat's Taekwondo)
Mellor deportista de base masculino: Xián Gutiérrez Dopazo (Remo Ría de Marín)
Mellor deportista de base feminina: Ángela Balado Conde (Club Mat's Taekwondo)
Mellor deportista veterana: Pilar Vázquez Bouzas (Remo Ría de Marín)
Premio á inclusividade: Paula García Vázquez (Remo Ría de Marín)
Mellor adestrador: Emilio Gutiérrez Jalda (Remo Ría de Marín)
Mellor Club: CD La Peña
Patrocinio: SEI San Narciso
Mellor evento deportivo: Open Vila de Marín de Boxeo
Premio ao deporte con valores: Raquel Carragal Da Costa
Premio á promoción do deporte basee: Marín Peixe Galego
Premio ao voluntariado deportivo: Carreira Pinga Pinga
Mención especial: Asociación Cultural e Deportiva Gharaboto