Tívoo preto, pero non logrou rematar.
Jéssica Bouzas despídese en segunda rolda do WTA 1.000 de Madrid, o torneo de maior categoría dos que se disputan cada ano en España.
A tenista arousá, que no seu primeiro partido desfíxose da exipcia Mayar Xerife, puxo este xoves contra as cordas ao número 27 do ranking mundial, a polaca Magdalena Frech nun partido que foi toda unha batalla de tres mangas e case tres horas (7-5, 6-7, 4-6).
Bouzas venceu o primeiro set e tivo na súa man rematar no segundo, que acabou perdendo no tie break.
Chegou a gozar nas dúas primeiras mangas de até 18 bólas de rotura, das que só aproveitou seis.
Fronte a ela, Frech aproveitou o seu seis primeiras oportunidades de break para porse en vantaxe no terceiro e decisivo set, e finalmente con outra rotura acabou de decantar o duelo ao seu favor.
A pesar da derrota Jéssica Bouzas deixou grandes sensacións para a xira de terra batida que acabará coa súa participación en Roland Garros.
A derrota da vilagarciá deixa a Paula Badosa como única representante nacional no cadro final do WTA 1.000 de Madrid.