Os dous principais equipos do balonmán pontevedrés emigrarán por unha xornada á Cidade Infantil de Príncipe Felipe.
Deberán facelo no seu próximo compromiso ligueiro tanto na División de Honra Prata como na Primeira Nacional, previstos en ambos os dous casos para sábado 27 e domingo 28 de setembro.
O motivo é a celebración no Pavillón Municipal dos Deportes da Xornada 4 da Liga Nacional de Karate.
O primeiro que se verá afectado é o Club Cisne, que recibirá o sábado ás 19.00 horas ao BM Zaragoza en busca do seu primeiro triunfo da tempada.
O conxunto branco está pendente ademais do estado físico de Linhares e especialmente de Alberto Delgado, cuxa lesión en Sevilla preocupa ao temerse unha baixa de longa duración.
Pola súa banda a Sociedad Deportiva Teucro rebirirá o domingo 28 (12.00 horas) o BM Ribeiro, co obxectivo de endereitar o seu rumbo tras a derrota cultivada en Lanzarote.
Os dous equipos pontevedreses teñen previsto o seu regreso ao Municipal para a quinta xornada de liga, o sábado 11 de outubro.