Segue a revolución no Marín Futsal. Os cambios no equipo da Raña van ser profundos para a próxima tempada coa saída de moitas das xogadoras importantes do equipo.
Á lista que xa engrosaban a gardameta internacional Silvia Aguete, Ceci, a capitá Pau xunto a Bea Mateos, que deixou as pistas en abril, únese agora outra futbolista cunha ampla e exitosa traxectoria.
Trátase de Lara Balseiro, deportista que aterrou en Marín o pasado verán desde o Burela multicampeón e cuxa saída confirmou este mércores a entidade marinense.
"É unha xogadora que desprende alegría e calidade, que nos regalo moi bos momentos na pista e fóra dela e botarémola de menos", sinala o Marín Futsal.
GRACIAS POR TODO LARA!!
— Marín Futsal (@marin_futsal) May 24, 2023
https://t.co/OyeS0khd4s pic.twitter.com/WjMKK3nv8V
Por outra banda o Marín Futsal confirmou a segunda renovación no plantel, a de Adriana, que se une nesta lista a María Estévez ademais da o adestrador Ramiro Díaz.
"Adriana confía no proxecto e aposta por seguir crecendo como xogadora en Marín. Unha noticia moi boa para o club, que continúa apostando por xogadoras novas para a próxima tempada", sinalou a entidade da Raña.