O Real Avilés Industrial visitará este sábado ao Pontevedra Club de Fútbol co obxectivo de lograr a permanencia en Primeira Federación. Aos asturianos válelles un empate para certificalo de forma matemática e, incluso perdendo, poden manter a categoría dependendo de resultados alleos.
O técnico do cadro avilesino, Lolo Escobar, analizou o choque fronte ao conxunto granate e en relación á pelexa pola salvación afirmou que "somos os únicos que dependemos de nós mesmos".
Consciente de todo o que hai en xogo e do gran ambiente que presentará o feudo lerezano, o adestrador estremeño explicou que porá aos xogadores "que saiban xogar con esa presión coa que imos ter que xogar e xogar co ambiente de Pasarón".
"Ao que non lle guste xogar cun ambiente de fútbol como o que imos vivir o sábado, pois que se dedique a outra cousa" afirmou Escobar ao explicar que "é moito mellor xogar así que xogar con cen persoas".
Sobre o equipo de Rubén Domínguez, o estremeño definiuno como "un equipo forte, un equipo firme, que está a loitar polo play-off e que tamén ten moitísima presión"
🎙️ La 𝗽𝗿𝗲𝘃𝗶𝗮 con Lolo Escobar
— Real Avilés Industrial (@RealAvilesInd) May 22, 2026
❝Son partidos en los que hay que ir a ganar y disputarlos desde la concentración y la competitividad. Hay que dar todos el 100%❞#RealAvilésIndustrial 🔵⚪🔴
Foi máis aló o técnico do Real Avilés Industrial ao profundar no rendemento do Pontevedra como local: "Acumula 10 empates en 18 xornadas en casa, é un resultado bastante habitual".
A pesar de que o empate lle vale ao cadro asturiano para salvarse, Lolo Escobar foi firme ao afirmar que "son partidos en que tes que ir gañar e non a polo empate nin a polo que te valga".
BRAZALETES CONMEMORATIVOS
O Real Avilés Industrial leva a cabo unha iniativa na que presenta un brazalete conmemorativo en cada encontro que disputa como visitante. Xa o fixo hai dúas tempadas en Pasarón e repetirá o xesto este sábado.
Naquela ocasión, o capitán do club asturiano portou un brazalete cun deseño sobre a lenda do heroe grego Teucro.
Esta vez a temática é o Hai Que Roelo, icónica frase que identifica ao club lerezano e que estará representada cun óso cos escudos de ambos os dous equipos.
Unha gran iniciativa do Real Avilés que, ademais de portar o brazalete durante o encontro, tamén regala unha réplica ao equipo rival antes do arranque do mesmo.
©️ 𝗕𝗿𝗮𝘇𝗮𝗹𝗲𝘁𝗲 | Partido
— Real Avilés Industrial (PontevedraCFSAD
🦴 Resaltamos o óso que identifica a recoñecida expresión ('Hai que roelo') do conxunto pontevedrés.
🤝 Mañá entregaremos unha réplica ao capitán do conxunto galego.#RealAvilésIndustrial 🔵⚪🔴 pic.twitter.com/2prwhOtxQPRealAvilesInd) May 22, 2026
Engade Pontevedra Viva como fonte preferida de Google de balde
Mantente informado coas últimas noticias de actualidade.