Duro golpe ás aspiracións de Lúa Piñeiro, que confiaba en lograr un bo número de puntos para o ranking olímpico no Campionato do Mundo de taekwondo que se está a celebrar na localidade rusa de Chelyabinsk.
A deportistas caldense do Natural Sport despediuse da competición ás primeiras de cambio ao caer en primeira rolda (-67 quilos) ante a marroquí Hakimo El Meslahy.
Lúa contou con opcións nun duro combate que se decidiu no último asalto por 2-0.
Malia a decepción a taekwondista galega xa pensa en novos retos e competicións nas que sumar os puntos necesarios que a acheguen a Río 2016, o seu principal obxectivo.
O Mundial de Chelyabinsk pon en xogo 120, 72 e 43,2 puntos respectivamente para os tres primeiros clasificados, e cifras máis modestas para o resto en función das roldas que cada deportista avance.