Punto de partida para a tempada BTT de Lucía Vázquez. A ciclista de Vilaboa estréase en Portugal defendendo as cores do seu novo equipo o, Maiatos/Reabnorte, que lle dará a oportunidade de afrontar un ambicioso calendario internacional.
Vázquez ten como obxectivo en 2016 mellorar o seu ránking internacional, que a situou no posto 66 en 2015, competindo ante as mellores ciclistas da especialidade.
A primeira parada será a localidade lusa de Viana do Castelo, onde afrontará o domingo 30 de xaneiro lad 3 Horas BTT Resistencia de Vila Franca.
"É un competición que me vén ben porque se disputa nun circuíto e sérveme para continuar coa miña preparación para as carreiras de Cros Country Olímpico", recoñece Lucía.
A segunda edición desta carreira de resistencia disputarase nun circuíto de 5,5 quilómetros, no que gañará o ciclista que complete máis voltas durante tres horas.