O Poio Pescamar disputará este sábado (A Seca, 16:15) un transcendental encontro ante o Futsi Atlético Navalcarnero. O cadro conserveiro, que caeu nos penaltis no primeiro duelo destas semifinais do play-off polo título, deberá gañar ao conxunto madrileño para igualar a eliminatoria e forzar o terceiro partido.
O técnico do equipo poiense, Luís López-Tulla, admitiu que esa primeira derrota deixoulle "unha sensación agridoce" xa que "para como ía encamiñado o partido foi unha faena que perdésemos esa vantaxe".
Explicou que "pasaron moitas cousas" e fixo referencia á grave lesión de Èlia Gullí, que sufriu unha rotura completa do ligamento cruzado anterior do seu xeonllo esquerdo na recta final do encontro.
A pesar diso, o técnico madrileño afirmou que está contento porque "o noso rendemento deportivo foi bo".
De cara ao segundo encontro que se disputará este sábado, Luís López-Tulla explicou que dedicaron gran parte da semana a recuperar fisicamente ás xogadoras tras o exixente desgaste físico que supuxo xogar un partido con prórroga e penaltis.
Rolda de prensa con Luís López-Tulla 🎙
— Poio Pescamar FS (
➡️ https://t.co/m5qc7gs6rX#PoioPescamar #PoioÉFútbolSala #PoioFutsi #PrimeraIberdrolaFS #EncePlanSocialPontevedra #FroizDeporte pic.twitter.com/OlQ8v133quPoioPescamarfs) June 11, 2026
A nivel deportivo, detallou que se centraron en "adestrar e repasar cousas da propia serie, do plan de partido que temos e despois engadir o que poidamos modificar para este partido". En resumo, "a nivel físico recuperarnos e a nivel técnico-táctico corrixir e mellorar o que creamos para este partido".
En canto ás claves para lograr o obxectivo de gañar e forzar o terceiro partido, o madrileño cre que é importante traballar para que "as cousas que nos foron ben, que se volvan a repetir" e, sobre todo, "algunhas cousas que quizais non sucederon no partido e que queremos que sucedan, pois traballar sobre iso".
Non quitou peso o técnico ao importante papel que xoga o azar nestas eliminatorias e asegurou que "traballaremos sobre iso e oxalá no momento no que apareza estea do noso lado".
Unha dos principais motivos do Poio Pescamar para crer na vitoria reside no apoio da súa afección xa que "pode ser un factor diferencial".
Luís López-Tulla quixo agradecer o seu apoio durante todo o ano deportivo e animoulles a asistir ao municipal da Seca este sábado xa que "o equipo se deixou todo durante toda a tempada e vaino a volver facer o sábado para sacar ese segundo partido e chegar ao terceiro".