O arranque de semana deixa un movemento máis nas filas dun Pontedra Club de Fútbol que suma a súa segunda fichaxe do día tras a incorporación do portugués Rui Pedro.
Nesta ocasión o elixido pola entidade lerezana para reforzar o equipo de cara ao próximo curso en Primeira Federación é Marcos Bravo, extremo dereito de 26 anos que chega procedente do Marino de Luanco de Segunda Federación.
Bravo formouse nas categorías inferiores do Rayo Majadahonda, club no que fixo o seu debut en Segunda B con 19 anos.
Pasou polas filas do Getafe B durante media tempada e, posteriormente, estreouse en Primeira Federación da man do DUX Internacional de Madrid na 21/22.
Abandonou a súa terra natal para disputar media campaña no Hércules e outra media en Unionistas de Salamanca, de novo na terceira categoría do fútbol español.
𝑶𝑭𝑰𝑪𝑰𝑨𝑳 ✍️ | 𝗔 𝗯𝗮𝗻𝗱𝗮 𝗱𝗲𝗿𝗲𝗶𝘁𝗮 𝘀𝘂𝗺𝗮 𝘃𝗲𝗿𝘁𝗶𝗰𝗮𝗹𝗶𝗱𝗮𝗱𝗲 ♥️
— Pontevedra CF 🦴 (@PontevedraCFSAD) July 14, 2026
Marcos Bravo, extremo dereito de 26 anos, convértese en novo xogador do Pontevedra CF 🏃
🔝 Chega procedente do Club Marino de Luanco.
Benvido a Pasarón, Marcos! 🤝#OndeOLerezFaiHistoria pic.twitter.com/GzNxCs5526
Na 23/24 uniuse ao Alzira para baixar a Segunda RFEF, categoría na que militou até o pasado curso coas elásticas do Ejea, Colonia Moscardó e Marino de Luanco.
O madrileño únese agora ao Pontevedra CF para achegar desequilibrio e desborde na banda dereita, pois se caracteriza por ser un xogador verticalidad e con capacidade de xerar perigo no último terzo do terreo de xogo.
De feito é o segundo xogador do plantel en ocupar esta parcela do campo como posición natural tras a chegada de Domingo Mba, polo que se podería dicir que o posto de extremo dereito está máis que cuberto con estas dúas fichaxes.
Rubén Domínguez conta xa con 18 xogadores con ficha de primeiro equipo para o inicio da pretemporada e, até o momento, quedan libres tres licencias sénior e catro sub23.
Engade Pontevedra Viva como fonte preferida de Google de balde
Mantente informado coas últimas noticias de actualidade.