O Pontevedra Club de Fútbol estará ben acompañado en Salamanca.
A 'Marea Granate' mobilizouse ante a primeira opción de certificar o ascenso a Primeira RFEF de maneira matemática.
Iso pasa imprescindiblemente por vencer este domingo 13 de abril no Estadio Helmántico (17.00 horas) e esperar un tropezo do Numancia fronte ao Real Ávila.
Desde a Boa Vila partirán dous autobuses de afeccionados á primeira hora do domingo rumbo á localidade castelán-leonesa.
Así o confirma o Pontevedra tras chegar á cifra de reservas esixida para o segundo autocar (o primeiro completouse en apenas 24 horas).
Ademais esgotouse a práctica totalidade do paquete de entradas enviadas pola entidade salmantina para ser vendidas nas oficinas de Pasarón.
Todas as entradas soltas para público adulto despacháronse, e a última hora deste xoves só quedaban dispoñibles algunhas de categoía 'xoven' e 'infantil', así cun par de prazas soltas no último autobús.
En total o Salamanca enviou 275 entradas ao Pontevedra para o duelo en e Helmántico, 200 delas para afeccionados maiores de idade.