A tempada de ciclocrós levanta o pano esta fin de semana na comarca de Ferrol co inicio da segunda edición da Copa Galicia.
Sandra Moral, do Club Ciclista Marín, tentará defender o seu título autonómico elite e sub-23 nunha competición que repite formato pero ampla o seu calendario das sete ás doce probas puntuables.
Entre elas a Federación Galega de Ciclismo confirmou o Ciclocrós Marín, organizado polo clun local e previsto para o 20 de novembro, e o Trofeo Concello de Pontevedra, con organización do CC Pinarium o día 8 de decembro.
A competición estréase con dobrete, o sábado 22 en Narón e o domingo 23 e Ferrol, e pecharase o día 31 de decembro coa disputa do Campionato de Galicia nunha sede aínda por confirmar.
Todas as carreiras serán puntuables para o ránking da Real Federación Española de Ciclismo.