Marín aposta polo ciclismo feminino para a súa programación deportiva de 2015 acollendo unha das probas da Copa de España de Ciclismo en Ruta.
Segundo revelou a Federación Española, o 9 de maio a vila acollerá unha das oito probas do calendario baixo a organización do Club Ciclista Marín e a denominación de I Trofeo Ría de Marín.
Ademais desta cita a Copa de España Feminina arrancará o 29 de marzo en Murcia co XIII Trofeo Roldán, para seguir o 11 abril co I Trofeo Bicicletas Jonny (Ávila), o 12 de abril co II Trofeo Zamora, o 2 de maio coa Challenge Vuelta a Burgos, o 21 de xuño co V Trofeo Gobierno La Rioja e finalizará o 16 de agosto co I Trofeo Sevilla.
Falta por confirmar a data exacta para Trofeo Falles de Xativa, que foi aprazado.
Salvo contratempo a marinense Irene Trabazo participará nesta competición na categoría júnior, tras facerse co título a pasada tempada en idade cadete.