Por segundo ano consecutivo Marina Casado, primeira xogadora galega na división de honra de waterpolo, amadriña e dá nome ao campus de iniciación que promove o Club Waterpolo Pontevedra.
Do 1 ao 9 de setembro, o campus dará a coñecer este deporte aos nenos que queiran probar a experiencia, estando dirixido a nenos de 8 a 12 anos e a nenas ata os 14. Todos eles poderán gozar cos consellos dos técnicos do club pontevedrés e coa experiencia de Marina Casado, que tense enfrontado a xogadoras de talla internacional, como as campioas do mundo da selección española.
O proxecto do Waterpolo Pontevedra, iniciado en 2007, volverá ter como sede o Club Deportivo Socio Cultural Militar de Campolongo, onde este xoves celebrouse a presentación do campus.
Habilitaranse dúas opcións, unha xornada completa de 9:00 a 13:30 horas, onde ademais de waterpolo daranse sesións teóricas, e outra de 10:00 a 12:30 horas para quen se apunte só á sesión de piscina.
As inscricións II Campus de iniciación ao Waterpolo Marina Casado, poden formalizarse a través do correo electrónico info@waterpolopontevedra.com, cun prezo de 30 euros en horario reducido e 50 euros para a xornada completa.