O ciclista pontevedrés Guillermo García Janeiro segue queimando etapas a gran velocidade e este mércores 17 de maio foi un dos grandes protagonistas do Campionato Galego Contrarreloxo dispuatdo na localidade ourensá de Baños de Molgas.
García, corredor actualmente nas filas do Bathco e que está situado en oitavo lugar do ránking nacional da súa categoría, proclamouse campión en idade junior cun tempo de 18 minutos e 44 segundos, con 6 segundos de vantaxe sobre o segundo clasificado, Abel Franco.
Tamén asinou unha notable actuación o actual campión de España sub-23, Martín Bouzas, e é que o ciclista do Froiz impúxose na súa categoría e foi terceiro na absoluta cun tempo de 17 minutos e 54 segundos, a 43 segundos do vencedor elite, Aser Estévez (Aluminios Cortizo).
Pola súa banda en idade cadete revalidou o seu título autonómico a marinense Carla Fernández (Marín-Ottoman).
O Campionato Galego disputouse nun percorrido de 11,4 quilómetros no que a característica proncipal era o seu perfil en constante ascensión.
Consulta aquí as clasificacións completas do Campionato Galego de Ciclismo Contrarreloxo.