O Complexo Deportivo Rías do Sur de Ponte Muíños foi escenario do Campionato Galego de Squash para as categorías de veteranos.
Entre competidores chegados de diferentes puntos de Galicia atopábase tamén o incombustible director técnico do Club Squash Pontevedra, Miguel Novegil, que se proclamou campión.
Novegil disputou a final ante o ourensán Fernando Quiroga, ao que venceu en cinco mangas para reter o título, que gañou nos tres últimos anos.
O Squash Pontevedra contou tamén coa participación de Fernando Portela, campión de consolación na categoría +30, e de Lucía García, bronce tamén en idade +30.