A participación de Nerea Pampín no Campionato de Loitas Olímpicas Sub-23 de Pontevedra chegou este venres ao seu fin sen poder acceder ao combate final polo bronce na categoría de 65 quilos.
A deportista de Vila de Cruces, que cedeu o xoves na rolda de clasificación nun igualado combate, accedeu á repesca deste venres, na que esperaba a kazaka Dariga Aben.
Nerea debía superar ese enfrontamento para pelexar polo podio ante a italiana Elena Esposito, e o certo é que o tivo ao seu alcance, xa que tomou a dianteira no primeiro asalto por 4-1. Con todo a súa reaccionou para dar a volta ao tenteo e acabar vencendo por un apertado 6-4 deixando sen opcións á que era a gran esperanza local do torneo.
A xornada deste venres no Mundial Sub-23 supoñía o peche da competición feminina, á vez que entraban en acción os representantes da loita libre masculina, modalidade que pechará o Mundial Sub-23.
A actividade de loita no Pavillón Municipal dos Deportes continuará durante a fin de semana, ata a súa clausura o vindeiro domingo 23 de outubro.