Coincidindo co inicio da segunda volta da Terceira Federación, o Arosa presentou a campaña de abonados para esta segunda parte da tempada.
O club arlequinado quixo manter o mesmo prezo dos carnés que os do ano pasado, sendo de 50 euros os de Tribuna, 40 Tribuna Xubilado, 40 Preferencia, 35 Preferencia Xubilado, 35 Sub30 e 15 Sub18. Todos os abonos inclúen unha bufanda de agasallo.
Desta forma, os de Vilagarcía aproveitan o encontro deste domingo na Lomba ante o Rápido de Bouzas (17:00 horas) para dar o pistoletazo de saída a unha segunda volta na que necesitarán o apoio da súa afección para lograr manterse nos postos de play-off e ter opcións de conseguir o ansiado ascenso.
Únete ao arosismo!
— Arosa SC (@ArosaSCOficial) January 25, 2024
Coa segunda volta, novos prezos para os carnés. Forma parte de cada gol, celebración e vitoria; forma parte do #ArosaSC. Esperámoste. #ForzaArosa pic.twitter.com/4vJufsfNgk