Duro rival para o Condes de Albarei Teucro o que deparou o sorteo da cuarta eliminatoria da Copa do Rei de balonmán.
O equipo que separa aos azuis da Final a 8 da competición, agora a un só paso, é o Quabit Guadalajara, actual segundo clasificado da Liga Asobal, ao que a pesar de todo xa lle conseguiu vencer na primeira volta ligueira no Pavillón Municipal dos Deportes.
O choque de ida desta eliminatoria disputarase inicialmente o día 7 de marzo en Pontevedra, mentres que a volta terá lugar na localidade manchega o día 14 do mesmo mes.
O resto de enfrontamentos da cuarta rolda do Torneo do K.O. son: Ciudad Encantada- Anaitasuna, Atlético Valladolid-Alcobendas e BM Huesca, Ángel Ximénez.