Primeiro contratempo na nova tempada do Club Cisne Balonmán, e iso que a competición está aínda lonxe de iniciarse.
O sorteo de competición da División de Honra Prata, celebrado este mércores, deparou un debut ligueiro para os pontevedreses na casa fronte ao Trops Málaga.
Sen embago o Cisne solicitara iniciar a competición como visitante ante a imposibilidade de usar o Pavillón Municipal dos Deportes o 14 e 15 de setembro, e é que a primeira xornada da División de Honra Prata coincidirá coa celebración por segundo ano consecutivo na Boa Vila do Torneo EncestaRías de Baloncesto.
A Federación alegou que debido a un erro informático non se recolleu a petición cisneísta, e a fortuna deparou un debut como local sen ter en conta esta circunstancia.
Debido a iso, confirma o Cisne, a primeira xornada de liga deberá trasladarse ao pavillón da Cidade Infantil de Príncipe Felipe.