O Peixe Galego plantoulle cara ao Mallorca no partido disputado esta fin de semana no pavillón da Raña. Os de Marín recibían a un dos equipos favoritos para lograr o ascenso esta tempada que tentou impoñer o seu xogo desde o primeiro minuto pero a boa defensa local púxollo complicado.
Os ataques rápidos eran a única maneira de facer dano aos mallorquinos, grazas aos cales o Peixe conseguiu unha mínima vantaxe de 5 puntos nos primeiros compases de xogo, pero os posteriores erros nos lanzamentos e a fortaleza en ataque do seu rival que foi creando espazos por dentro, provocaron que o primeiro cuarto finalizase en 17-30.
Comezaba o segundo cuarto e o Marín saía enchufado en defensa e reducindo a diferenza a 8 puntos, pero enseguida volveuse á situación inicial coa que se chegou ao descanso (37-48).
Tras o intermedio, a vantaxe do Mallorca aumentou en 17 puntos, con todo, Badmus e Saunders botáronse o equipo encima para reducir a renda a tan só 5 puntos (62-67).
Quedaban 10 minutos de partido e o Peixe Galego empezaba anotando, só 3 puntos afastábano do empate, pero o desgaste físico empezou a facerlles efecto e os mallorquinos volveron controlar o partido para impoñerse nun definitivo 77-90.
Consulta aquí as estatísticas do Marín Peixe Galego-Mallorca.