O Club Natación Galaico afronta con ilusión a súa participación no Campionato de España Infantil e Junior de Inverno que se vai a celebrar entre o sábado 27 de marzo e o martes 1 de febreiro na localidade catalá de Terrasa.
Alí estará nove nadadores do club pontevedrés, na busca de mellorar as súas marcas e achegarse nalgún caso aos postos de podio.
Competirán na cita, que inicialmente se ía a disputar en Pontevedra, un total de 774 deportistas de 181 clubs.
Estarán a representar ao Galaico: Carla Goyanes (200 e 400 estilos e 200 bolboreta), Águeda Cons (200, 400, 800 libre e 400 estilos), Henar Cons (100 braza), Nuria Erselle (100, 200 libre, 100 e 200 costas), Inés Gómez (100, 200 e 400 libre), Lara Gómez Cortés (400, 800 libre e 200 bolboreta), Cibrán Leal (100 e 200 braza), Juan David Hernández (100, 200 braza e 400 estilos) e Daniel Sánchez (100, 200 costas e 50 libre).
O Campionato de España Infantil e Junior, xunto ao Open de Primavera, servirá para decidir que deportistas acudirán ás competicións internacionais previstas para esta tempada, como o Europeo Junior en Hungría.