O Club Natación Galaico cumpriu a pasada fin de semana cun dos seus principais obxectivos da tempada, manterse como mellor equipo galego.
A entidade deportiva pontevedresa revalidou en Ourense o título de campión da Liga Galega da División de Honra, confirmando o dominio mostrado nas xornadas iniciais da competición.
O Galaico non deu lugar á sorpresa na fase final disputada na Piscina Rosario Dueñas, superando o club local, o Pabellón Ourense, e o Club do Mar.
Fóronlle peor as cousas ao Club Fluvial de Lugo e ao CN Portamiña, que tras a xornada definitiva foron os equipos que certificaron o seu descenso de categoría.