Cambio de escenario para o Marín Futsal na súa pelexa por tentar manterse na Primeira División Feminina de Fútbol sala.
O conxunto marinense recibirá este próximo sábado 10 de febreiro (17.00 horas) un dos equipos máis laureados do panorama nacional, o potente Futsi Atlético Navalcarnero que ocupa actualmente a cuarta posición.
Con todo ese duelo non poderá disputarse no pavillón da Raña, debido á coincidiencia co X Torneo de Seleccións de Minisbasket que se organiza en Marín durante a fin de semana.
Por ese motivo o partido, correspondente da xornada 19 de liga, trasladouse ao pavillón do Sequelo.
Será un exame esixente para o conxunto marinense, que a tres puntos da permanencia necesita sumar para seguir cerca do obxectivo.