Fichaxe de inverno no Marín Futsal co obxectivo de reforzar o persoal en busca da permanencia en Primeira División.
O conxunto marinense confirmou este xoves a contratación de Giselli Portes, coñecida deportivamente como Gi Portes.
Trátase dunha futbolista brasileira, de 31 anos e internacional absoluta que procede do Female Futsal do seu país.
É unha "xogadora con moita experiencia e que conta cun gran palmarés", sinalan desde o club da Raña.
Gi Fortes podería debutar co seu novo equipo o próximo 13 de xaneiro no primeiro partido de liga do ano, que medirá ao Marín Futsal co STV Roldán.