Derrota do Tenis de Mesa Monte Porreiro Visit Pontevedra na terceira xornada da Superdivisión Masculina. O club pontevedrés desprazouse este mércores a Cataluña para medirse ao potente Asisa Borges Vall, nun enfrontamento atrasado pola participación dos cataláns en competición europea.
O Borges, que viña de lograr clasificarse para o cadro final da Europe Cup, apenas deu opción a un Monte Porreiro que aínda así vendeu cara a súa derrota a pesar das adversidades en forma de lesión de Nico Galvano.
Martín Betancor non puido con Viktor Brodd no duelo que abría a xornada, e despois a retirada de Galvano poñía costa arriba o duelo.
Con 2-0 en contra, Míguel Ángel Vílchez pelexou ata o final por recortar distancias contra Marc Durán, pero terminou cedendo certificando a derrota do equipo.
Xa sen opcións, Martín Betancor sumou o único punto do día para o Visit Pontevedra superando a Joan Masip, antes de que Vílchez volvese ceder en cinco apertadas mangas contra Viktor Brodd.
Sen apenas descanso o Tenis de Mesa Monte Porreiro afrontará esta mesma semana, o domingo 30, unha nova xornada de liga coa visita do TM Parla ao pavillón de Príncipe Felipe.