O Tenis de Mesa Monte Porreiro sumou este sábado a súa quinta vitoria consecutiva e leva máis dun mes sen perder.
A última foi en casa do Collado Mediano, ao que superou con dificultades e onde foron claves os dous triunfos finais de Nico Galvano e Bentancor.
Comezou o envite con derrota por un claro 3-0 por parte de Weidong Shi Tian sobre Nico Galvano, que foi moi superior ao do Monte Porreiro.
Igualou Vílchez con dificultades tras un partido contra Alexandru Cazacu que se decidiu por pequenos detalles no quinto xogo, e Bentancor superou a Ángel Ayuso (3-0) para voltear o marcador a favor dos pontevedreses por primeira vez na tarde de sábado.
De novo igualou Weidong Shi Tian ao gañar a Vílchez tras un duelo que se puido levar calquera (3-2), e xa no cuarto e quinto duelo, os xogadores do Monte Porreiro, Nico Galvano e Bentancor superaron a Anxo Ayuso e Alexandru Cazacu, respectivamente, para levar o triunfo por un definitivo 2-4.
Consulta as estatísticas nesta ligazón