Un ano máis, e van 18, e o Open Internacional Cidade de Pontevedra de Taekwondo non para de crecer e sorprender.
O Pavillón Municipal dos Deportes encheuse de ambiente durante dúas intensas xornadas de competición, empezando polas modalidades de combate e seguindo coa técnica, o freestyle e por último a exhibición.
O alto número de participantes con preto de 1.200 deportistas, máis de 700 en combate, obrigou ao Mace Sport a cubrir por completo a pista do Municipal con 12 tapices de competición.
En total tomaron parte do Open 74 clubs provenientes de España e Portugal.