O mercado americano volve ser un 'caladoiro' para o Peixe Galego, que buscou na liga universitaria estadounidense (NCAA) un xogador que achegue boas cifras anotadoras.
Ese xogador é Tim Derksen, escolta que xogou as tres últimas tempadas nos San Francisco Dons, a última delas cunha grande responsabilidade no equipo e boas cifras, promediando 16,9 puntos, 6,9 rebotes e 2 asistencias por partido.
Será a primeira experiencia profesional e no estranxeiro para Derksen, natural de Tucson (Arizona) e que chega para cubrir o inmenso oco deixado por Gabe Rogers, peza crave no ascenso.
Desde o Peixe Galego definen ao seu novo xogador como "moi completo para o noso xogo exterior".
O club marinense espera que frutifiquen nos próximos días as negociacións abertas con outros xogadores para tentar contar co plantel formado antes do inicio dos adestramentos.