A Seguridade Social sancionou o Pontevedra Club de Fútbol por presuntas irregularidades na cotización de varios empregados.
Así o reflexa o informe de auditoría que o club presentará na próxima Xunta de Accionistas e na que se explicará con detalle o caso.
A sanción en cuestión ascende a 65.646 euros, e tras ser recorrida e desestimada en primeira instancia, será obxecto agora dun recurso contencioso administrativo por parte da entidade granate para defender os seus intereses.
En concreto, segundo reflicte o documento da auditora Sogal, o importe que a Tesourería da Seguridade Social entende como irregular na cotización é de 2.876,80 euros.
Segundo fontes do club consultadas, esta suposta irregularidade trataríase dunha situación "herdada" de anteriores xestores.
A Xunta Xeral de Accionistas do Pontevedra Club de Fútbol terá lugar o vindeiro luns 28 de xaneiro no Pazo da Cultura.