O Pontevedra Club de Fútbol xa coñece o seu rival para a primeira eliminatoria da renovada Copa do Rei. Trátase do UD Ibiza, equipo duro e coñecido polo conxunto granate ao que xa se enfrontou este ano en liga.
A primeira rolda xogarase a partido único entre o día 17 e o 19 de decembro en Pasarón, ao tratarse do primeiro equipo en saír no sorteo.
No caso de avanzar na competición, a segunda eliminatoria disputarase de novo a partido único os días 11 e 12 de xaneiro, estando fixado o sorteo da mesma para o venres 20 de decembro.
No sorteo entraron os 20 equipos de Primeira División (os 4 participantes na Supercopa incorporaranse en terceira rolda), 22 de Segunda División, 28 de Segunda B, 32 de Terceira División, os 4 semifinalistas da Copa RFEF e 10 equipos da máxima categoría territorial (Preferente).