O Tenis de Mesa Monte Porreiro desprazouse esta fin de semana a Xirona para enfrontarse ao L'Escala. Os de Pontevedra acabaron salvando o partido no último duelo e deixar o marcador en empate a tres.
Os primeiros en saltar á pista foron Tomas Joffre e Chih-Wei Yeh. O enfrontamento acabou con vitoria local por un contundente 3-0. No segundo cruzamento, Guillermo Martínez venceu con dificultades a Norbert Tauler e puxo o 1-1 no marcador global.
No seguinte duelo, o conxunto pontevedrés conseguiu voltear o partido coa vitoria de Bentancor sobre Iker González, pero os cataláns volvían empatar. Guillermo Martínez volvía xogar, esta vez fronte a Chih- Wei Yeh. Aínda que o xogador do Visit púxollo complicado, o seu rival acabou vencendo por 3-2.
De novo chegaba a quenda de Tomas Joffre que caeu no seu enfrontamento contra Iker González por 3-0, pero no duelo final, Bentancor logrou impoñerse con dificultade a Norbert Tauler e así poñer o 3-3 no marcador final.
Consulta a acta do partido L'Escala-Visit Pontevedra na seguinte ligazón.
DERROTA DO FEMININO
O conxunto feminino do Tenis de Mesa Monte Porreiro volveu caer con contundencia. Esta vez en casa fronte ao Balaguer, líder da clasificación con 15 vitorias en 15 partidos.
Aínda que o Visit Pontevedra conseguiu igualar o encontro despois do duelo entre Noa Bernárdez e Anna Biscarri, finalmente caeron por 1-5 despois de ceder o seguintes catro partidos sen gañar ningún xogo.
Consulta a acta do partido Balaguer-Visit Pontevedra na seguinte ligazón.