O Club Waterpolo Galaico Pontevedra iniciou unha campaña de promoción do seu deporte nos centros escolares da cidade.
Técnicos do club, xunto a xogadores dos equipos absolutos masculino e feminino, acudiron xa aos colexios Álvarez Limeses e Xunqueira II para protagonizar unha charla acompañada dun vídeo con exemplos prácticos do waterpolo.
Con esta actividade a entidade lerezana busca dar a coñecer este deporte, polo que convida a todos os nenos a que o proben de balde na piscina durante unha semana.
Os próximos centros escolares en recibir estas charlas serán o Manuel Vidal Portela e Xunqueira I.