O Open Villa de Marín puxo o broche de ouro á súa última edición cun "éxito rotundo", consolidándose como un "evento histórico" dentro do panorama boxístico nacional e internacional, din desde a organización.
O evento desenvolveuse durante tres xornadas, nas que a vila marinense acolleu a representantes de máis de 120 clubs procedentes de 15 países diferentes.
En total foron máis de 750 boxeadores, preto de 300 adestradores, uns 30 árbitros e máis de 70 persoas entre delegados e persoal de staff.
O impacto social e económico, destaca o Team Thunder, foi "notable". Polo pavillón pasaron máis de 1.000 espectadores e pola vila máis de 2.000 visitantes vinculados ao campionato, uns datos que sitúan ao Open Vila de Marín como "o maior evento de boxeo celebrado en España até a data" e colócano "entre o cinco máis importantes do mundo".
No plano deportivo, ao longo do tres días disputáronse 500 combates, nos que destacaron Ariel Bueiti (UDSé, Portugal), recoñecido como mellor promesa masculina, e Adriana Muñoz (KAka Boxing Club), mellor promesa feminina. En categoría elite, Gorka Papin (Azteca Box, A Coruña) e Verónica Fernández (Antelo Team, Milladoiro) alzáronse como os mellores deportistas.
Por equipos, a selección holandesa foi a gran protagonista, liderando o torneo tanto en número de púxiles (20) como de resultados, alzándose finalmente co primeiro posto da clasificación. O Team Thunder foi segundo debido ao criterio de medallas de ouro.